DANKBAARHEID DESONDANKS
31 Gedagtes met daaglikse dankbaarheidsoefeninge
(Gedrukte A5 boek, 86 bladsye)
Jy betaal R90 aflewerfooi om die boek na enige afleweradres in Suid-Afrika te versend ongeag hoeveel eksemplare jy koop. Indien jy die boek kan afhaal by ’n punt in Mosselbaai, George, Hartenbos of Grootbrakrivier is daar geen aflewerkoste nie.
Verwondering en dankbaarheid is karperde. Die Een wat die tuig vashou, is die Drie-Enige God: die Gewer, die Geskenk en die Dankbaarheid.
Die Gewer gee aan ons die geskenk van lewe – nie net van ons eie nie; maar van ’n lewendige kosmos. Die wyse waarop ek en jy ons lewe leef, het die vermoë om ’n kragtige getuienis te wees in ’n gebroke wêreld. Dankbaarheid is soos ’n magneet wat ander uitnooi om saam met ons raak te sien en saam dankbaar te wees.
Ek nooi jou uit na ’n maandlange reis op pad na dankbaarheid sodat jy weer in verwondering raak oor die lewe. Immers “maak jy ‘n lewe deur wat jy ontvang; jy leef deur wat jy gee”, toegedig aan Winston Churchill.
Dankbaarheid is die goue sleutel tot ’n gelukkige lewe. Dankbaarheid is ’n lewensingesteldheid: ons kan die vaardigheid inoefen om van ons dankbare mense te maak.
Dit is maklik om “as gevolg van…” dankbaar te wees; dit is ’n kuns om “desondanks…” steeds te wees.
Nee, ons kan nie – en behoort nie! – dankbaar te wees vir alles wat ’n gegewe oomblik met ons gebeur nie (bv. ‘n tragedie/oorlog, ens.), maar ons kan wel midde élke oomblik dankbaar wees (ten spyte van die tragedie). Die kuns is om bewus te raak van die keuses wat jy het om dankbaarheid te kies as jou “default”/vertrekpunt.
By elke dag se meditasie is daar bewusmaking wat jou uitnooi om na te dink oor wat daagliks in en om jou gebeur en hoe jy daarop reageer. Gebruik dit as jy tot rus kom. Dink na oor die gebeure van jou dag. Probeer om elke dag minstens drie dinge neer te skryf waaroor jy dankbaar is/kan wees. Probeer vanaf die “algemene” na die “besondere” te beweeg. Maak dit ook ’n lewensgewoonte om tydens een ete van die dag oor dankbaarheid te gesels/na te dink. Laat almal om die tafel een ding noem waaroor hulle dankbaar is.
Nadat jy oor die “dankbaarheidsonderwerp” nagedink het, neem tyd om – by name – daarvoor te bid.
Stel dalk jou horlosie om jou twee keer deur die loop van die dag te herinner aan jou keuse om dankbaarheid in te oefen. Vra jouself op daardie oomblikke af: Wat hoor jy? Wat sien jy? Wat voel jy? Wat proe jy? Hoe kan jy dit gebruik om te kies om dankbaarheid in te oefen?
Mag dankbaarheid ’n geloofsgewoonte word wat jy daagliks inoefen, totdat jy deur dankbaarheid (soos Meister Eckhardt geskryf het) “verteer word”. Al is jy (ook) nog nie daar nie. Dan algaande, wordend.
Klik op “Add To Cart”. Klik dan op “Checkout” om veilige via Payfast jou transakie met jou kredietkaart, EFT, of ander elektronies betalingsmetodes te doen.
‘n Beperkte aantal gedrukte bundels word gratis aangebied. Solank voorraad beskikbaar is kan jy ‘n gratis gedrukte bundel bestel en net die koerierkoste van R90 betaal. Die bundel word by jou voordeur afgelewer.
Nuwe Cordis Trust Publikasies-bundel bring toekomsperspektief met gewaarwordinge wat soos eenpersoon-optredes in ’n klein teater ervaar is
Die bundel word deur Cordis Trust geoormerk vir bepeinsing en kleingroep-besprekings en word daarom gratis aangebied in boekvorm en as e-boek.
‘n Beperkte aantal eksemplare word gratis op LeefHoop-Winkel aangebied. Jy betaal slegs jou koerierkoste van R90Cordis Trust Publikasies het pas ’n nuwe digbundel, “Klein Teater”, deur Fanie Marais gepubliseer. Hy noem die inhoud van die bundel “eenpersoon-optredes verwoord tydens ’n enger leeftyd”.
Die bundel het 176 kort gedigte wat Fanie as intense waarnemings oor die afglope twee jaar geskryf het. “Die woord ‘breekmoment’ (ook ’n gedig in die bundel) kom voor. Daardie oomblik wat jy besef jy sien of ervaar iets waarvan kennis geneem moet word,” vertel Fanie.
Hy skryf in die bundel se voorwoord die lewe het enger geword. “My hoërskool-droomwêreld van onbeperkte horisonne van geleerdheid, reis, loopbaan- en gesinsvooruitsigte en besittings, is ruim verwesenlik. Teen die einde van 2019 het die dood van ’n eggenote van meer as 53 jaar die gevoel van afsluiting gebring. Die Teater van die Lewe waarin my bestaan afgespeel het, het in omvang en intensiteit afgeneem.”
“Dit is verder verskraal met die Gelykmaker, Covid-19. My daaglikse ervaringe het begin afspeel soos eenpersoon-optredes in ’n klein teater. Die gewaarwordinge wat ek aangeteken het om my bestaan beter te verstaan, in ’n toekomsperspektief.”
Fanie skryf die bundel word opgedra aan “elkeen wat ’n klein daaglikse oorwinning oor omstandighede en die self voor ’n spieël beleef, asof dit ’n eerste plek op ’n podium is, en omdraai met hoop in die hart vir die dag se taak, al is dit net om die gordyn oop te trek om lig in te laat.”
Die bundel word deur Cordis Trust geoormerk vir bepeinsing en kleingroep-besprekings en word daarom gratis versprei in boekvorm en as e-boek. Gebruik afslagkode COR22 vir gratis-opsie.
Vir meer inligting e-pos cordistrust@discoverymail.co.za of besoek www.kleinteater.co.za.
Myra Lochner het die elektroset en proeflees van die bundel gedoen en Herman Lochner die ontwerp van die omslag. Die voorblad skets is deur Nataliia Dubchak van Kief in die Oekraine.
‘n Kursus is vir mense wat met nuwe energie en inspirasie wil leef.
Ons wil jou uitnooi om te registreer vir ons aanlyn-kursus LEEF GEÏNSPIREERD.
Die kursus is vir mense wat met nuwe energie en inspirasie wil leef, en met “zest” nuwe rigting wil vind. Dalk na ‘n siekbed, dalk na ‘n egskeiding of dalk in die tydperk van gereelde afsondering.
Jy ontvang drie inspirerende video’s om jou te begelei, plus leesmateriaal wat jy op jou eie tyd kan deurwerk. Al wat jy nodig het, is ‘n potlood en ‘n joernaal (‘n lekker notaboek).
Die kursus is die perfekte verjaarsdaggeskenk wat jy reg deur die jaar aan iemand kan bied. Jy kan dit bespreek en ons kan dit op ‘n spesifieke dag aan die ontvanger stuur.
Hierdie kursus kos slegs R100. Indien jy voor 10 Mei registreer kan jy 10% afslag op die kursus ontvang. Gebruik die afslagkode HOOP.
Die kursus kos R100 en jy kan onder klik en op PayFast registreer en sodra jou betaling gedoen is sal jy ‘n e-pos ontvang met ‘n skakel na die volle kursus.
Payfast-betalings kan maklik en veilig via krediet-, tjek- en debietkaarte, EFT’s, Zapper, MasterPass en SCode gemaak word.
GELOOFSGEWOONTES VIR LYDENSTYD
(‘n Kursus oor Jesus se kruiswoorde)
Deur al die eeue is daar in die Kerk tydens Lydenstyd op drie spesifieke geloofsgewoontes gefokus. Kom leer meer hieroor en hoe jy dit vandag prakties kan toepas. Hierdie gewoontes pas perfek in by Jesus se laaste woorde aan die kruis.
Tydens die 6 Sondae van Lydenstyd stel ons elke Sondagoggend ‘n webinaar – ‘n video met studie-materiaal – vry. Elk van die ses webinaars sluit ‘n meditatiewe nadenke oor die kruiswoorde van Jesus in, asook ‘n verduideliking van die geloofsgewoontes met ekstra leeswerk wat in die daaropvolgende week ingeoefen kan word.
Hierdie inligting is selfoon-, tablet- en rekenaarvriendelik. As jy sou verkies kan jy die studiemateriaal in PDF-formaat aflaai. Jy kan die video en addisionele leesmateriaal op jou eie tyd lees en bestudeer, en weer later herlees soos jy verkies.
Addisioneel tot die kursus is ‘n kort video en leestuk wat jou meer agtergrond gee oor die 40-dae Lydenstyd (ook bekend as “Lent”).
Daar is ook ‘n virtuele nagmaalsdiens wat op Aswoensdag gebeeldstroom word. Jy kan dit op ons Youtube-kanaal of op ons Facebookblad volg. Jy kan die nagmaalsdiens weer-en-weer saam met vriende en familie kyk.
Die laaste dag van Lydenstyd word “Donkersaterdag” genoem. ‘n Meditasie-diens berei jou voor om Opstandingsdag in te wag.
Alhoewel hierdie kursus voorberei is met die oog op Lydenstyd (wat op Aswoensdag) begin, is dit nie beperk slegs tot Lydenstyd nie. Jy kan dit enige tyd volg.